La 40ª abintura d’Asterix passa-se al redror de l pensamiento positivo. Un galano die, l’aldé bei chegar un Romano çtinto, l médico-mor Lhindainus, que s’aprepon dar a conhecer la sue scuola de pensamiento, assente nun modo de trato outimista i poeticamente chamada La Spadanha Branca. Sparbando cunseilhos i agabarriones puls moradores de l’aldé, Lhindainus aparenta star an cundiçones de lhebar por delantre la mission que César l’antregou: zminuir a nada la brabura de ls eirredutibles gouleses… Arribará l’aldé a recobrar l sou anstinto guerreador? Seia cumo seia, Asterix i Oubelix ban-se a ber an camisa d’onze baras para cunseguir que l sou maioral Regidorix torne a quedar cun buona cara…